ന്യൂഡൽഹി: ഡൽഹി ഉൾപ്പടെ ഉത്തരേന്ത്യൻ സംസ്ഥാനങ്ങളിൽ ഭൂചലനം. റിക്ടർ സ്കെയിലിൽ 6.5 തീവ്രത രേഖപ്പെടുത്തിയ രണ്ടു ഭൂചലനമാണ് ഡൽഹിയിലും (NCR മേഖലയിൽ) പരിസര പ്രദേശങ്ങളിലും രണ്ട് മിനിറ്റ് ഇടവേളകളിൽ ഉണ്ടായത്. ആദ്യ ഭൂചലനം ഉണ്ടായത് രാത്രി 10.17-ന് ആയിരുന്നു. പ്രഭവ കേന്ദ്രം അഫ്ഗാനിസ്ഥാനിലെ ജുറൂമിലാണ്. ജമ്മു, പഞ്ചാബ്, ഉത്തർപ്രദേശ്, ഹരിയാന എന്നിവടങ്ങളിലും ഭൂചലനം അനുഭവപ്പെട്ടതായാണ് റിപ്പോർട്ടുകൾ. ജനങ്ങൾ വീടുകളിൽ നിന്നു പുറത്തേക്ക് ഓടി. ഇന്ത്യയിൽ നാശനഷ്ടങ്ങളൊന്നും റിപ്പോർട്ട് ചെയ്യപ്പെട്ടിട്ടില്ല. പാക്കിസ്ഥാനിലും ചൈനയിലും ഭൂചലനം ഉണ്ടായി.
