ഡൽഹി: കേരളം അടക്കം 5 സംസ്ഥാനങ്ങൾ പോളിങ് ബൂത്തിലേക്ക്. കേരളത്തിൽ ഏപ്രിൽ 6-നാണ് തെരഞ്ഞെടുപ്പ്. 5 സംസ്ഥാനങ്ങളിലുമായി 18 കോടി 86 ലക്ഷം വോട്ടർമാർ വിധിയെഴുതും. കേരളത്തിൽ 140 നിയമസഭാ മണ്ഡലങ്ങളിൽ 40771 ബൂത്തുകളാണുള്ളത്. പോളിംങ് സമയം രാവിലെ 7 മുതൽ വൈകുന്നേരം 6 വരെ. പരീക്ഷകൾ, ഉത്സവങ്ങൾ എന്നിവ പരിഗണിച്ചാണ് കേന്ദ്ര തെരഞ്ഞെടുപ്പ് കമ്മിഷൻ തീയതികൾ പ്രഖ്യാപിച്ചിരിക്കുന്നത്. തമിഴ്നാട്, പുതുച്ചേരി, പശ്ചിമ ബംഗാൾ, അസ്സം എന്നിവയാണ് തിരഞ്ഞെടുപ്പ് നടക്കുന്ന മറ്റ് സംസ്ഥാനങ്ങൾ. എല്ലാ സംസ്ഥാനങ്ങളിലും വോട്ടെണ്ണൽ മെയ് 2-നാണ്. ആരോഗ്യ രംഗത്ത് അഭൂതപൂർവ്വമായ പ്രതിസന്ധി തുടരുന്നു എങ്കിലും കോവിഡ് മാനദണ്ഡങ്ങൾ കർശനമായി പാലിച്ച് ജനങ്ങളുടെ ആരോഗ്യ സുരക്ഷ ഉറപ്പാക്കി തെരഞ്ഞെടുപ്പ് നടത്തുമെന്ന് കേന്ദ്ര തെരഞ്ഞെടുപ്പ് കമ്മിഷൻ വാർത്താ സമ്മേളനത്തിൽ പറഞ്ഞു.
