മുംബൈ: ഐ.പി.സി. നോർത്തേൺ റീജിയൻ മഹാരാഷ്ട്ര വെസ്റ്റ് സോൺ കൺവൻഷൻ ‘റിവൈവ് 2021’ ഒക്ടോബർ 1, 2 തീയതികളിൽ നടക്കും. വൈകിട്ട് 7.30 മുതൽ 9.30 വരെ സൂം പ്ലാറ്റ്ഫോമിൽ നടക്കുന്ന യോഗങ്ങളിൽ പാസ്റ്റർമാരായ ജോ തോമസ് (ബാംഗ്ലൂർ), സുധീർ കുറുപ്പ്, സാമുവേൽ ജോൺ (റീജിയൻ പ്രസിഡന്റ്) എന്നിവർ പ്രസംഗിക്കും. സുവി. സ്റ്റാൻലി ഏബ്രഹാം ഗാനശുശ്രൂഷയ്ക്ക് നേതൃത്വം നൽകും. ഒക്ടോബർ 3-ന് രാവിലെ 9.30 മുതൽ വെസ്റ്റ് സോണിലെ സഭകളുടെ സംയുക്ത ആരാധന നടക്കും. സോണൽ പ്രസിഡന്റ് പാസ്റ്റർ രാജു പി. നായർ, പാസ്റ്റർ സജി സൈമൺ, പാസ്റ്റർ ജെസ്റ്റസ് തങ്കച്ചൻ എന്നിവർ നേതൃത്വം നൽകും.
